Beş tuz

Yaxınlaşan toy günü Krisi ciddi tərəddüdlər içində qoyur. Ailə həyatı ərəfəsində daxili şübhələrlə üzləşən baş qəhrəman azad günlərinin dadını çıxarmaq və fikirlərini toplamaq qərarına gəlir. O, bu məqsədlə uşaqlıq illərinin keçdiyi doğma şəhərə üz tutur.

Orada onu keçmiş dörd yaxın dostu qarşılayır. Vaxtilə bütün ətrafı bir-birinə qatan bu heyət hamıya «Beş tuz» adı ilə bəlli idi. Yaş ötsə də və hərənin öz qayğıları yaransa da, uşaqlıq ruhu dəyişməz qalıb. İlk görüşdən aydın olur ki, qəhrəmanı əsl subaylıq əyləncəsi gözləyir.

ABŞ istehsalı olan «Beş tuz» («Five Aces») komediya və dram filmi 1998-ci ildə Devid Maykl O'Nill tərəfindən çəkilib. Əsas rolları Devid Şerill, Çarli Şin, Maykl MakQreydi və Tia Karrere ifa ediblər.