Ləm

Keşiş Maykl oğlanlar üçün nəzərdə tutulmuş katolik məktəbində müəllimlik edir. Bu qapalı müəssisəyə epilepsiyadan əziyyət çəkən on yaşlı Ouen göndərilir. Məktəb rəhbərinin uşağa qarşı qəddar və ədalətsiz münasibətini görən Maykl inanc böhranı keçirir, buranı tərk etmək və Oueni özü ilə aparmaq qərarına gəlir.

Polis tərəfindən axtarılan qəhrəmanlar həm də maddi çətinliklərlə üzləşirlər. Onlar yeni bir həyat qurmağa çalışsalar da, azyaşlının ağır xəstəliyi onların kövrək planlarını təhlükə altına qoyur.

Böyük Britaniya istehsalı olan «Ləm» dram filmini rejissor Kolin Qreqq lentə alıb. Ekran işi 1985-ci ildə nümayiş olunub, əsas rolları isə Nikola Rayt, Nik Danninq, Frensis Tomelti və Emer Qillespi canlandırıblar.