Preaching to the Perverted

Nüfuzlu bir məmur gənc kompüter mütəxəssisi Piterə gizli bir tapşırıq verir. Oğlan şəhərdə fəaliyyət göstərən sado-mazoxist klubuna və şou-teatrına daxil olmalıdır. Onun məqsədi məhkəmə vasitəsilə bu məkanı bağlatdırmaq üçün iştirakçıların bədən xəsarətləri aldığını sübut edən dəlillər toplamaqdan ibarətdir.

Lakin yad bir mühitə düşən Piter hadisələrin gedişatına nəzarət edə bilmir. O, tədricən özü də bu BDSM oyunlarının bir parçasına çevrilir. Üstəlik, gənc oğlan klubun sahibəsinə qarşı gözlənilmədən hisslər bəsləməyə başlayır.

«Preaching to the Perverted» filmi dram və komediya janrlarını özündə birləşdirir. Böyük Britaniya istehsalı olan layihə 1997-ci ildə rejissor Stüart Urban tərəfindən lentə alınıb. Baş rolları Kristin Enholt, İmodjen Beyn, Cordcina Heyl və Culi Qrem canlandırıblar.