Uzun yürüş

Uzun illərdir davam edən ağır müharibə ölkəni tükəndirib və əhalini yoxsulluğa sürükləyib. Cəmiyyətin əhval-ruhiyyəsini yüksəltmək məqsədilə hər il «Uzun yürüş» adlı xüsusi bir yarış təşkil olunur. Qaydalara görə, əlli gənc saatda ən azı üç mil sürətlə dayanmadan addımlamalıdır. Üç dəfə qaydanı pozub sürəti azaldan iştirakçı yarışdan kənarlaşdırılır.

Yürüşün qalibi yalnız sona qalan tək bir nəfər olacaq. Həmin şəxs böyük məbləğdə pul mükafatı qazanacaq və onun istənilən bir arzusu yerinə yetiriləcək. Bu sınağa qoşulanlardan biri də Raymond Qarretidir. Digər iştirakçılardan fərqli olaraq, o, qələbə çalacağı təqdirdə hansı arzusunu diləyəcəyini yol yoldaşlarına söyləməyə tələsmir.

ABŞ və Kanada istehsalı olan «Uzun yürüş» dramatik triller filmini rejissor Frensis Lourens çəkib. 2025-ci il ekran işinin əsas rollarında Kara Mayskiv, Ken Stin, Noa de Mel və Deymon Raytli çıxış edir.