Qonşular

Sakit təbiətli müəllim Mett Koler və kobud qəssab Lenni Benedetti yanaşı evlərdə yaşayırlar. Hər ikisi ailəlidir və oğul böyüdür, lakin bu oxşarlıqlar onları yaxınlaşdırmaq əvəzinə daha da uzaqlaşdırır. Tamamilə fərqli xarakterə malik bu adamlar arasında ilk gündən qarşılıqlı nifrət yaranır.

Adi məişət narazılıqları və xırda söz-söhbətlər zaman keçdikcə səngimək bilmir. İki qonşu bir-birinə mane olmaq üçün hər fürsətdən istifadə edir və xırda çəkişmələr ailələr arasında gerçək bir müharibəyə çevrilir.

1994-cü ildə ABŞ-da istehsal olunmuş «Next Door» filminin quruluşçu rejissoru Toni Billdir. Komediya, dram və triller janrlarını birləşdirən ekran əsərində baş rolları Ceyms Vuds, Den Hildebrand, Maylz Fülner və Çantal Koffi canlandırıblar.