Sonuncu ümid

Mişel Maknelli iki yaşında xəstəlik səbəbindən görmə və eşitmə qabiliyyətini itirir. Varlı ailədə böyüməsinə baxmayaraq, qızcığaz ətraf mühitdən tamamilə təcrid olunmuş vəziyyətdə qalır. Təcrübəli müəllim Debrac Sahayın onların həyatına daxil olması ilə uşağın taleyi kökündən dəyişir.

Müəllimin səbri və fərqli yanaşması sayəsində Mişel insanlarla ünsiyyət qurmağı öyrənir, hətta universitet təhsilini uğurla başa vurur. İllər sonra isə xəstəlik bu dəfə qocalan pedaqoqu yaxalayır və o, yaddaşını itirir. İndi həyatı dərk etməyi öyrənən tələbə öz xilaskarına dəstək olmağa çalışır.

Hindistan istehsalı olan dram janrlı «Black» filmi 2005-ci ildə nümayiş olunub. Ekran əsərinin rejissoru Sancay Lila Bhansalidir. Əsas obrazları Amitabh Baççan, Rani Mukherci, Şernaz Patel və Ayeşa Kapur canlandırıb.