Səndən qalan hər şey

Hadisələr 1988-ci ildə İordan çayının qərb sahilində, Birinci intifada dövründə cərəyan edir. Fələstinli yeniyetmə Nur nümayiş zamanı İsrail hərbçiləri ilə toqquşmada ağır yaralanır. Baş verən bu hadisədən sonra anası Hanan oğlunun taleyini keçmişlə bağlayan və nəsilləri əhatə edən ailə tarixçəsini danışmağa başlayır.

Süjet xətti 1948-ci ilə, Yaffaya, yeniyetmənin babası Şərifin yanına qayıdır. Ev və portağal bağlarının sahibi olan Şərif ata-baba torpaqlarını qorumağa çalışır. Lakin başlayan müharibə və Nəkbə hadisələri onun həbs olunmasına, ailəsinin didərgin düşməsinə və həyatlarının dağılmasına gətirib çıxarır.

«Allly baqi mink» bədii filminin rejissoru Şerin Dabisdir. 2025-ci il istehsalı olan dramda baş rolları Rida Suleiman, Dominik Marinqer, Saleh Bakri və Maria Zreik canlandırıblar. Ekran əsəri ABŞ, Almaniya, İordaniya, Yunanıstan, Kipr, Səudiyyə Ərəbistanı, Misir, Qətər və Fələstin kinematoqrafçılarının birgə əməkdaşlığı ilə ərsəyə gəlib.