İki yüz illik insan

Yeni minilliyin astanasında baş verən texnoloji sıçrayış insanların məişət vərdişlərini dəyişir və ev heyvanlarının yerini süni intellektli maşınlar tutur. Martinlər ailəsi də özləri üçün ən son model NDR-114 robotunu alır və ona Endrü adını verir. Əsas vəzifəsi ev işlərini qaydasına salmaq olan bu mexanizm qısa müddətdə ailənin bir üzvünə çevrilir.

Yalnız məişət xidməti üçün proqramlaşdırılan robot zaman keçdikcə proqram təminatının xaricinə çıxmağa başlayır. Endrü daxilində qəribə təbəddülatlar hiss edir və yavaş-yavaş bu yeni hisslərin əslində insani duyğular olduğunu anlamağa çalışır.

1999-cu ildə ABŞ və Almaniya birgə istehsalı kimi təqdim olunan «Bicentennial Man» filminin quruluşçu rejissoru Kris Kolambusdur. Ekran əsərində baş rolları Robin Uilyams, Embet Devids, Sem Nil və Oliver Platt canlandırıblar.