Çox təmiz hava

Alp dağlarında yerləşən elit sanatoriya pasiyentlərə təbii iqlimin köməyi ilə şəfa vəd edir. Lakin bu müalicə ocağında bir araya gələn insanlar heç də adi xəstələr deyil. Sağlamlığı zəif olan fırıldaqçılar, intihara meyillilər, tamahkar qadınlar, yüngülxasiyyət qızlar, hərbi xidmətdən yayınan pianoçular və ehtiraslı opera ifaçıları eyni dam altına toplaşır.

İstirahət və müalicə əvəzinə pansionatda çirkin ehtiraslar və daxili çəkişmələr baş qaldırır. Üstəlik, sanatoriya sakinləri ardıcıl olaraq bir-bir dünyasını dəyişir. Ən qəribəsi isə odur ki, bu ölümlər təkcə xəstəliklər və təbii səbəblər üzündən baş vermir.

«Un air si pur...» adlı komediya dramının rejissoru İv Anjelodur. Fransa, Polşa və Belçikanın birgə istehsalı olan bu film 1997-ci ildə nümayiş olunub və Monreal kinofestivalında təqdim edilib. Əsas rolları Dominika Ostalovska, Laura Betti, Mik Şeminal və Yeji Radziviloviç canlandırıblar.