Barni və onun xırda narahatlıqları

Barni adlı kişinin həyatı kənardan son dərəcə uğurlu görünür. Fransada onu sevimli həyat yoldaşı Lüsi gözləyir, Londonda isə nüfuzlu işi və gizli münasibətləri var. O, asudə vaxtını həm Marqo, həm də Mark adlı sevgililəri ilə bölüşərək iki fərqli şəhər arasında rahatlıqla yaşayır.

Yaxınlaşan ad günündə isə gözlənilməz hadisə baş verir: bir-birindən xəbərsiz olan həyat yoldaşı və hər iki gizli tərəfdaşı Barniyə Venesiyaya gedən «Şərq ekspresi» qatarına bilet hədiyyə edir. Ailəsini qorumaq istəyən qəhrəman biletləri üzrxahlıq məktubu ilə gizli sevgililərinə geri göndərmək qərarına gəlir, lakin zərfləri səhv salır. Nəticədə qəzəblənmiş Marqo və Mark ər-arvad cildinə girərək Barninin Fransadakı evinə qəfil səfər etməyə hazırlaşırlar.

«Barnie et ses petites contrariétés» filmi 2000-ci ildə Fransada lentə alınıb. Rejissoru Brüno Şiş olan bu komediya-dram janrlı ekran əsərində baş rolları Natali Bay, Toma Şabrol, Melani Bernye və Serj Hazanaviçus canlandırıb.