Son damla

Tənha ana Canaya getdikcə dərinləşən maddi və məişət problemlərinin içində çabalayır. Qızını tək böyüdən qadın kirayə haqqını ödəyə bilmədiyi üçün evdən çıxarılmaq təhlükəsi ilə üz-üzədir, məktəb rəhbərliyi isə uşağın yemək xərclərinin təcili ödənilməsini tələb edir. İşdə də vəziyyət gərgindir: daima narazılıq edən rəhbər qadının maaşını gecikdirir.

Canaya heç olmasa qazandığı pulu alacağına ümid bəsləsə də, müdiri onu heç bir kompensasiya ödəmədən qovur. Elə həmin gün ana və qızı mənzildən çıxarılır. Müəllimlərin şikayətlərindən sonra isə uşaq müdafiə xidmətinin əməkdaşları gələrək qızını onun əlindən alır.

2025-ci il istehsalı olan «Straw» («Son damla») dram və triller filminin rejissoru Tayler Perridir. ABŞ istehsalı olan bu ekran əsərində baş rolları Spenser Kelli, Qabriel E. Cekson, Hasani Vaybz Komer və Tarina Paunsi canlandırıb.