Bilitis

«Bilitis» filminin gənc qəhrəmanı fotoqraf Lükə aşiq olsa da, fiziki yaxınlıqdan uzaq durmağa çalışır və zərif hisslərə üstünlük verir. O, yay tətili günlərini valideynlərinin yaxın tanışı olan Melissanın evində keçirməyə yollanır. Melissa da öz növbəsində ərinin kobudluğundan və etinasızlığından əziyyət çəkir.

İki qadın arasında qısa müddətli romantik yaxınlıq yaranır və onlar bunu ruhların doğmalığı kimi qəbul edirlər. Həyat təcrübəsi daha çox olan Melissa bu münasibəti davam etdirməkdən imtina edir. Rəfiqəsinin qayğısına qalmaq istəyən gənc qız onun üçün anlayışlı bir sevgili axtarmağa başlayır, lakin bu təşəbbüs onun öz həyatında ilk kədərli sınağa çevrilir.

1977-ci ildə Fransada istehsal olunmuş melodram janrlı filmin quruluşçu rejissoru Devid Hemiltondur. Əsas rollarda Matye Karrer, Jil Koler, Jermenn Delba və Madlen Damyen çıxış edirlər.