Müharibə zonası

On beş yaşlı Tom ailəsi ilə birlikdə Londondan uzaqlaşaraq sakit Devon qraflığına köçür. Bu əyalət küncündə günlər fasiləsiz yağışlar və boz ab-hava altında keçir. Evin divarları arasında isə soyuqluq və laqeydlik hökm sürür. Üçüncü uşağına hamilə olan ananın vəziyyəti də ailə üzvləri arasında heç bir sevinc doğurmur.

Tomun ünsiyyət qura bildiyi yeganə insan böyük bacısı Cessidir. Çox keçmədən gənc oğlan bacısı ilə atası arasında qəribə və narahatedici bir münasibət olduğunu sezməyə başlayır. Gördükləri Tomu ailə daxilindəki gizli həqiqətlərlə üz-üzə qoyur və atasını niyə həmişə yad bildiyini aydınlaşdırır.

Böyük Britaniya və İtaliya istehsalı olan «The War Zone» filmi rejissor Tim Rot tərəfindən 1998-ci ildə çəkilib. Ekran əsərində əsas obrazları Freddi Kanliff, Lara Belmont, Annabell Epsion və Keyt Eşfild canlandırıb.