Qabarma

Rok qrupunun tərkibində çıxış edən bek-vokalçı Lilli qastrol səfəri ilə Avstraliyanın kiçik kurort şəhərinə gəlir. Müstəqil xasiyyəti və sərbəst davranışı səbəbindən kollektivlə yola getməyən qadın tezliklə işini itirir. Xarab olmuş avtomobil və pulsuzluq onu bir müddət bu sahilyanı məkanda qalmağa məcbur edir.

Şəhərdə vaxt keçirən Lilli sörfinqlə maraqlanan on dörd yaşlı Elli ilə dostlaşır. Yeniyetmə qız ona nədənsə çox tanış gəlir, lakin bunun səbəbi yalnız keçmiş qayınanası ilə təsadüfi qarşılaşmadan sonra aydınlaşır. Lilli anlayır ki, qarşısındakı qız vaxtilə həyat yoldaşının ölümündən sonra tərk etdiyi doğma qızıdır.

«Qabarma» (High Tide) dram filmi rejissor Cillian Armstronq tərəfindən lentə alınıb. 1987-ci ildə nümayiş olunan Avstraliya istehsalı layihədə baş rolları Can Adele, Frenki C. Holden, Mey Houlett və Con Kleyton canlandırıblar.