Armand

Tanınmış aktrisa Elizabet altıyaşlı oğlu Armandın oxuduğu məktəbdən gələn təcili zəngdən sonra məşqini yarımçıq qoyur. Hadisə yerinə çatan ana özünü müəllimlər və digər valideynlər arasında baş verən gərgin bir qarşıdurmanın ortasında tapır.

Boş məktəb otaqlarında uşaqların məsələsi tezliklə unudulur və böyüklərin şəxsi sirləri, gizli istəkləri üzə çıxmağa başlayır. Kimsə baş verənlərin ictimailəşməsini istəmir, Elizabet isə ailəsini həsəd və qərəzdən qorumaq üçün həqiqəti tapmağa çalışır.

«Armand» dram filmini rejissor Halfdan Ullmann Tøndel çəkib. 2024-cü ildə təqdim edilən bu beynəlxalq layihə Norveç, Niderland, Almaniya, İsveç və Böyük Britaniyanın birgə istehsalıdır. Baş rollarda Ellen Dorrit Petersen, Loke Nikolaisen, Luna Elisa Diurhuus Levy və Vera Veljovic-Jovanovic çəkiliblər.