Bağışlamaq və unutmaq

David və Teo uşaqlıq illərindən bəri yaxın dostdurlar, bütün şad anları və vaxtlarını daim bir yerdə bölüşüblər. Lakin Teonun Hanna adlı qadına aşiq olması illərin sınağından çıxmış bu münasibəti çətin vəziyyətə salır.

Qısqanclıq hissinə qapılan David onların arasını vurmağa və sevgililəri ayırmağa cəhd göstərir. İki dost arasındakı gərginlik getdikcə artır və münasibətlər tamamilə korlanır. Nəhayət, hər ikisinin qatıldığı televiziya verilişində David kameralar qarşısında hər şeyi açıq şəkildə etiraf edir.

2000-ci il istehsalı olan Böyük Britaniya filmi «Forgive and Forget» rejissor Eşlin Uolş tərəfindən dram, melodram və komediya janrlarında lentə alınıb. Əsas rollarda Mira Syal, Nikola Senderson, Cenni Paterson və Haqqi Liver çəkiliblər.