Qu quşu

Erni ad gününə əsl tüfəng hədiyyə alır və dərhal yeni silahı sınaqdan keçirmək qərarına gəlir. O, yaxın dostu Reymondu da yanına çağıraraq quş ovuna çıxır. Bir xeyli quşu vurduqdan sonra dəmir yolu xəttinə çatan dostlar təsadüfən Piter Uotsonla rastlaşırlar. Piter əlaçı, sakit və özünü qorumağı bacarmayan on üç yaşlı yeniyetmədir.

Əllərində silah olan Erni və Reymond qorxuya düşmüş Piterin üzərində qəribə və təhlükəli təcrübələr aparmaq qərarına gəlirlər. Heç vaxt davalara qarışmayan və zorakılığa boyun əyən Piter amansız həmyaşıdlarının yeni hədəfinə çevrilir.

«The Swan» adlı qısametrajlı film 2023-cü ildə rejissor Ues Anderson tərəfindən ABŞ-da çəkilib. Komediya və dram janrındakı layihənin əsas rollarında Reyf Fayns, Oktavio Tapiya, Benua Herlin və Eysa Cenninqs çıxış edir.