Başqasına ödə

Yeddinci sinif şagirdi Trevor MakKinni məktəb tapşırığı zamanı təmənnasız kömək nəzəriyyəsi irəli sürür. Onun fikrincə, kiməsə böyük bir yaxşılıq etdikdən sonra əvəzini özünə yox, tamam başqa üç nəfərə qaytarmağı xahiş etmək lazımdır. Həmin insanlar da öz növbəsində zənciri davam etdirərək yaxşılığı növbəti üç şəxsə ötürməlidirlər.

Trevor bu ideyanı dərhal həyatda sınaqdan keçirməyə və xeyirxahlıq dalğasını başlatmağa qərar verir. Sadə bir məktəb layihəsi kimi başlayan təşəbbüs tezliklə yeniyetmənin ətrafındakı insanların həyatına dərindən təsir edir. «Pay It Forward» filmi bir uşağın qəlbindən doğan cəhdin necə geniş bir zəncirvari reaksiyaya səbəb olduğunu əks etdirir.

ABŞ istehsalı olan bu dram filmini 2000-ci ildə rejissor Mimi Leder çəkib. Baş rollarda Kevin Speysi, Helen Hant, Heyli Coel Osment və Cey Mor çıxış ediblər.