Lads

Avtomobil oğurluğuna görə cəza alan və qolunda elektron qolbaq gəzdirən gənc İtan nüfuzlu bir tövlədə işə düzəlir. Cins atların qulluğunda duran oğlan tədricən ən təhlükəli yarış növlərindən sayılan stipl-çez qaydalarını mənimsəyir. Təlimlər zamanı onda at sürməyə qarşı güclü istedad və həvəs üzə çıxır.

İtan idman vasitəsilə həyatını dəyişməyə və gələcəyini qurmağa ümid bəsləyir, lakin atçılıq aləminin reallıqları heç də asan olmur. Yalnız bir neçə nəfərin peşəkar ola biləcəyi bu mühitdə gənclər arasında amansız rəqabət hökm sürür. Üstəlik, yarışların arxa planında duran pul maraqları və qumar mərc təzyiqləri gəncin yolunu daha da çətinləşdirir.

«Lads» dram filminin rejissoru Julien Menanteaudur. 2024-cü ildə Fransa və Belçika birgə istehsalı ilə çəkilən ekran əsərində baş rolları Axel Rognon, Elouan Dounou, Sara Moradi və Alexandre Robert canlandırıb.