Bataqlıq çayı

Otuz yaşını keçmiş Kozi evdar qadın kimi sürdüyü gündəlik həyatdan, ərindən və iki uşağından bezib, özünü heç xoşbəxt hiss etmir. Barların birində içki içərkən o, Li adlı bir gənclə tanış olur. Həmin şəxs Kozini dostunun həyətindəki hovuzda çimmək bəhanəsi ilə özü ilə getməyə razı salır.

Hovuzun kənarında Li qadına tapança göstərir və silah Kozinin əlinə keçir. Bu vaxt evin sahibi qəfildən peyda olur və çaşqınlıq içində qalan qadın qeyri-ixtiyari tətiyi çəkir. Beləliklə, təsadüfi açılan atəş onların planlarını alt-üst edir.

ABŞ istehsalı olan «River of Grass» dram filmi 1994-cü ildə rejissor Kelli Rayxardt tərəfindən çəkilib. Ekran əsərinin əsas rollarını Syuzan A. Stouver, Mitç Lyuis, Con Ulrix və Monika Devidson ifa ediblər.