Pensilvaniya şahzadəsi

Yeniyetmə pank dərin depressiyaya qapılaraq özünü cəmiyyətdən təcrid olunmuş və tərk edilmiş hiss edir. Hər kəsin təəccübünə rəğmən, o, ahıl yaşlarında olan keçmiş hippi qadınla tanış olur. Həyat tərzi və düşüncələri bənzər olan bu iki fərqli nəslin nümayəndəsi qısa zamanda möhkəm dostluq qurur.

Bu qeyri-adi cütlük gəncin qeyri-adekvat davranışları ilə seçilən dəli atasını qaçırmaq üçün plan hazırlayır. Onlar bu yolla ailə səadətinə qovuşacaqlarını və problemləri birdəfəlik həll edəcəklərini düşünsələr də, gözlənilməz hadisələr vəziyyəti daha da qarışdırır.

ABŞ istehsalı olan «Pensilvaniya şahzadəsi» komediya-dram filmi 1988-ci ildə ekranlara çıxıb. Ekran əsərinin quruluşçu rejissoru Ron Nisuonerdir, əsas obrazları isə Mark Terner, Ceff Hayenqa, Ayva Cin Saraçeni və Liza Mayer canlandırıb.