Vəhşi tərəf

Stefani on beş illik şəhər həyatından sonra xəstə anasına baxmaq üçün uşaqlığının keçdiyi kəndə qayıdır. Vaxtilə Pyer adını daşıyan qəhrəman üçün bu səfər unudulmuş xatirələrlə üzləşmək deməkdir. Sakit kənd mühiti onunla yanaşı yol yoldaşlarının da daxili dünyasında dərin izlər buraxır.

Onunla birlikdə yaşayan iki gənc də bu səfərə qoşulur. Stefani ilə münasibətdə olan rusiyalı Mixail ordudan qaçıb, ölkədə sənədsiz yaşayır və müharibə dəhşətlərinin təsirindən xilas ola bilmir. Digər yoldaşları Cəmal isə ailəsi üçün darıxan, tənha qalmaqdan qorxan və dolanışığını bədənini satmaqla təmin edən bir ərəb gəncidir.

«Vəhşi tərəf» (Wild Side) dram filminin rejissoru Sebastyen Lifşitsdir. Böyük Britaniya, Fransa və Belçikanın birgə istehsalı olan bu ekran əsəri 2004-cü ildə nümayiş olunub.