Məni dəli et

Yuxarı sinif şagirdləri Çeyz və Nikol eyni vaxtda sevgililərindən ayrılaraq çətin vəziyyətə düşürlər. Onların məktəb həyatına münasibəti də tamamilə fərqlidir. Nikol valideynlərin və məzunların toplaşacağı yüzillik yubiley balını təşkil etməklə məşğul olduğu halda, Çeyz bu cür rəsmi ənənələrə və qaydalara nifrət edir.

Keçmiş hisslərini bərpa etmək istəyən gənclər birgə plan qururlar. Çeyz öz keçmiş sevgilisinin diqqətini çəkmək, Nikol isə basketbolçu Bredlə bala getmək üçün özlərini sevgili kimi qələmə verirlər. Lakin bu saxta münasibət getdikcə dəyişir və onlar gözlənilmədən bir-birlərinə qarşı əsl hisslər keçirməyə başlayırlar.

«Drive Me Crazy» filmi 1999-cu ildə ABŞ-da lentə alınıb. Rejissoru Con Şults olan bu romantik komediyada baş rolları Melissa Coan Hart, Edrian Qrenye, Syuzen Mey Prett və Uilyam Konvers-Roberts canlandırıblar.