200 siqaret

Nyu-Yorkda Yeni il ərəfəsidir və şəhərin mərkəzində təşkil edilən şənliyə müxtəlif xarakterli gənclər toplaşır. Məclisə təkbaşına gələnlər də var, Kevin və Lüsi kimi cütlüklər də. Kevin öz həyatından və uğursuzluqlarından şikayətləndiyi vaxtda, daha praqmatik olan Lüsi vaxt itirmədən yaraşıqlı barmeni yoldan çıxarmağa çalışır.

Saat əqrəbləri gecə yarısını göstərəndə qonaqlar köhnə xatirələrə dalır və yeni sevgi münasibətlərinin qurulacağına ümid edirlər. Gecə davam etdikcə əyləncə fərqli istiqamət alır. Səhər açılanda isə məlum olur ki, iştirakçıların çoxu gecəni gözləmədiyi insanlarla və tamam başqa çarpayılarda başa vurub.

«200 Cigarettes» komediya filmi 1999-cu ildə ABŞ-da rejissor Risa Breymon Qarsia tərəfindən çəkilib. Baş rollarda Ben Afflek, Nikol Ari Parker, Ceymi Bonelli və Marşall Densinq Elk Lukas çıxış edirlər.