Düzəlməzlər

Məktəbli Meqan hər cəhətdən nümunəvi gənc təsiri bağışlayır: o, əlaçı tələbədir, məktəbdə hamı tərəfindən sevilir, dəstək qrupuna rəhbərlik edir və futbol komandasının kapitanı ilə görüşür. Lakin onun davranışları yaxınlarını şübhələndirir. Qız sevgilisi ilə öpüşməkdən qaçır, vaxtını ancaq rəfiqələrinə ayırır və fotoalbomunda oğlanların deyil, yalnız qızların şəkillərini saxlayır. Ailəsi onun qeyri-ənənəvi cinsi yönümə malik olduğunu zənn edərək, onu yeniyetmələri dəyişdirməyi hədəfləyən «Doğru yol» adlı düşərgəyə göndərir.

Meqan lezbiyan olduğunu qəbul etmir və düşərgə qaydalarına əməl edərək düzəlmək niyyətindədir. Lakin düşərgədə tanış olduğu Qrem adlı başqa bir qıza qarşı yaranan hisslər onun planlarını alt-üst edir.

«Düzəlməzlər» filmi rejissor Cemi Babbit tərəfindən çəkilib. 1999-cu il istehsalı olan bu ABŞ filmində baş rolları Kip Pardyu, Mink Stoul, Melani Linski və Mişel Uilyams canlandırır.