Koyotlar gecəsi

Skott və Liv adlı gənc cütlük Los-Ancelesin məşhur Hollivud təpələrinə köçərək yeni həyata qədəm qoyur. Başlanğıcda bu yer onlar üçün nağılvari bir məkan təsiri bağışlayır. Lakin onların sevinci çox çəkmir və vəziyyət qorxulu həddə çatır.

Ərazidə qəfil başlayan meşə yanğını ailənin qaçış yollarını bağlayır. Alov təhlükəsi ilə yanaşı, küçələrdə ac və vəhşi koyotlar dolaşmağa başlayır ki, bu da cütlüyü tələyə salır.

2025-ci il istehsalı olan «Coyotes» filmi ABŞ kinematoqrafçıları tərəfindən dram, komediya və triller janrlarının qovşağında çəkilib. Ekran əsərinin rejissoru Kolin Minihandır, əsas rolları Keyt Bosvort, Norbert Leo Bats, Cudit O’Dey və Ketrin Maknamara canlandırıb.