One Night Stand

Reklam agentliyinin rəhbəri Maks Los-Ancelesdən Nyu-Yorka iş səfərinə yollanır və burada QİÇS xəstəliyi ilə mübarizə aparan dostu Çarlini ziyarət edir. Oteldə Karen adlı qadınla tanış olan Maks təyyarəyə gecikir. Onlar axşamı konsertdə keçirirlər, quldurların hücumundan sonra isə gecəni birlikdə qalmaq qərarına gəlirlər. Səhər Maks həyat yoldaşı Mimi və iki uşağının yanına qayıdır.

Bu qısa görüş Maksın həyatını tamamilə alt-üst edir. Ailəsinə qarşı soyuyan qəhrəman daim Karen haqqında düşünür. Bir il sonra dostu Çarlinin vəziyyətinin kritik həddə çatdığını öyrənən Maks yenidən Nyu-Yorka gəlir. Xəstəxanada o, Çarlinin qardaşı ilə qarşılaşır və onun həyat yoldaşının həmin Karen olduğunu görür.

1997-ci ildə ABŞ-da istehsal olunmuş «One Night Stand» filminin rejissoru Mayk Fiqqisdir. Melodram janrında olan bu ekran əsərində Robert Dauni kiçik, Annabel Qurviç, Mayk Fiqqis və Ksander Berkli rol alıblar.