Bu gün başlayır

Daniel Lefevr kiçik bir mədənçi qəsəbəsində yerləşən uşaq bağçasına rəhbərlik edir. İstehsalatın zəifləməsi səbəbindən yerli sakinlərin güzəranı pisləşir və Daniel yaranan işsizliyin tezliklə azyaşlı şagirdlərinə də təsir edəcəyini aydın görür.

Özünü həm uşaqlar, həm də bütün qəsəbə qarşısında məsuliyyətli sayan tərbiyəçi kənarda qala bilmir. O, balacaları qorumaq və böhranın fəsadları ilə mübarizə aparmaq üçün fəal işə başlayır.

1999-cu ildə çəkilmiş «Ça commence aujourd'hui» adlı Fransa istehsalı dram filminin rejissoru Bertran Tavernyedir. Əsas rollarda Didye Bezas, Kristin Sitti, Daniel Delabes və Patrik Kurteiks çıxış ediblər.