Ölü ana

Soyğun zamanı ev sahibəsini qətlə yetirən amansız cinayətkar İsmael onun balaca qızına da atəş açır. İllər sonra həmin qız psixiatriya xəstəxanasında böyüyüb gənc qadına çevrilir. Uşaqlıqda aldığı xəsarət səbəbindən o, zehni cəhətdən hələ də uşaq olaraq qalıb və qandan dəhşətli dərəcədə qorxur.

İsmael təsadüfən sağ qalmış qurbanı ilə qarşılaşır və onun polisə xəbər verəcəyindən ehtiyatlanır. Cinayətkar qızı öldürmək əvəzinə qaçıraraq sevgilisi və şəriki Meyte ilə qaldığı köhnə malikanəyə gətirir. Meytenin qısqanclığı və şübhələri isə çox keçmədən ciddi gərginliyə səbəb olur.

1993-cü ildə İspaniyada çəkilmiş «La madre muerta» triller və dramının rejissoru Xuanma Baxo Ulyoadır. Baş rolları Satur İdarreta, Xulio Torresilya, Abel Baxo Uloa və Fina Salegi canlandırıblar.