Hôtel Silence

Həyat yoldaşından ayrıldıqdan sonra ağır depressiyaya düşən 52 yaşlı Jan intihar etmək barədə düşünür. Onu bu addımı öz evində atmaqdan çəkindirən yeganə səbəb qızıdır, çünki atasının cansız bədənini ilk olaraq onun tapmasını istəmir. Yaxınını bu sarsıntıdan qorumaq üçün Jan müharibənin viran qoyduğu başqa bir ölkəyə yollanır və inanır ki, orada onun ölümü heç kimin diqqətini çəkməyəcək.

Lakin yad məkandakı dağıntılar və fəlakətlə üz-üzə qalan insanların çarəsizliyi kişiyə dərindən təsir edir. Müharibədən əziyyət çəkən yerli sakinlərin kədəri Janın düşüncələrini büsbütün dəyişir və onu həyata tamam başqa gözlə baxmağa vadar edir.

«Hôtel Silence» dram filminin rejissoru Lea Puldur. Kanada və İsveçrənin birgə istehsalı olan bu ekran əsəri 2024-cü ildə işıq üzü görüb. Əsas rollarda Saşa Semis Bartes, Jan Boşemen, Qabriel Bolyo-Brossar və Odei Bilodo çəkiliblər.