Əsl rənglər

Hüquq fakültəsində təhsil alan iki dost məzun olduqdan sonra Vaşinqtonun hakimiyyət pillələrində karyera qurmaq uğrunda mübarizəyə qoşulur. Onların hər ikisi siyasi dairələrdə yüksək mövqe tutmağa can atır.

Sadə ailədən çıxmış Piter konqresmen kürsüsünə çatmaq naminə ona güvənən hər kəsi, o cümlədən idealist dostu Timi aldadır. Varlı və nüfuzlu ailənin nümayəndəsi olan Tim isə yaxınlarına xəyanət etməyə meyilli deyil. Lakin Piterin bu addımı Timi qisas almaq üçün qaydaları pozmağa vadar edir.

«Əsl rənglər» (True Colors) dram filmini rejissor Herbert Ross lentə alıb. 1991-ci il ABŞ istehsalı olan ekran əsərində baş rolları Filip Bosko, Coşua Billinqs, Frenk Hoyt Teylor və Tom Ellis ifa ediblər.