Qüsurun gözəlliyi

Əsrlər boyu qorunan sərt qaydalarla yaşayan dağ kəndinin sakinləri olan ər-arvad dəniz kənarından gələn təkliflə üzləşir. Sahildəki nudist istirahət mərkəzində iş tapan qohumları onları da yanına dəvət edir. Cütlük dolanışıq dalınca doğma kəndlərini tərk edib onunla işləməyə razılaşır.

Başqa bir mühitə düşən qəhrəmanlar üçün yeni dünyanın qaydaları tamamilə yad və qəbuledilməz görünür. Qədim adət-ənənələrlə müasir sərbəstliyin qarşıdurması onların münasibətlərini sınağa çəkir və hadisələr faciəvi nəticəyə gətirib çıxarır.

«Qüsurun gözəlliyi» (Lepota poroka) dram filmi 1985-ci ildə Yuqoslaviyada rejissor Jivko Nikoliç tərəfindən çəkilib. Süjetin böyük hissəsi Monteneqronun cənubundakı məşhur Ada-Boyana kurortunda cərəyan edir. Ekran əsərində əsas rolları Mira Furlan, Petar Bojoviç, Draqomir Stanoyeviç və Eva Ras canlandırıb.