Seçilmişlər

Hadisələr İkinci Dünya müharibəsi dövründə Bruklində cərəyan edir. İki yəhudi yeniyetmə — Royven və Denni fərqli baxışlara malik ailələrdə böyüyürlər. Royvenin atası sionist mövqeli professordur, Denninin atası isə uşaqlarını sərt ənənələr daxilində və müəyyən məsafə saxlayaraq tərbiyə edən hasid ravvinidir.

Müxtəlif həyat tərzinə və ailə baxışlarına baxmayaraq, bu iki gənc arasında möhkəm yoldaşlıq yaranır. Lakin ravvin atasının oğlunun bu dostluğuna mənfi yanaşması münasibətləri sınaq qarşısında qoyur.

ABŞ istehsalı olan «Seçilmişlər» («The Chosen») dram filmi 1981-ci ildə nümayiş olunub. Rejissor Ceremi Kaqanın çəkdiyi bu ekran əsəri yazıçı Xaim Potokun qismən avtobioqrafik romanı əsasında hazırlanıb. Baş rolları Robbi Benson, Klement Fauler, Ed Herlihi və Stiven Hanan canlandırıblar.