Evrika

Cinayətdə şübhəli bilinən bir avtobus sürücüsü, valideynlərini itirmiş iki yetim uşaq və onların tələbə qohumu cəmiyyətdən təcrid olunmuş vəziyyətdədirlər. Vaxtilə təsadüf nəticəsində eyni yerdə kəsişən bu insanlar bir-birlərinin həyatında iz qoyublar.

Zaman keçdikdən sonra tale onları yenidən bir araya gətirir. Cəmiyyətin qəbul etmədiyi bu qəhrəmanlar yenidən ortaq bir məqamda qarşılaşaraq birlikdə addımlamalı olurlar.

«Evrika» dram filmi Yaponiya və Fransanın birgə istehsalı kimi 2000-ci ildə ekranlara çıxıb. Ekran əsərinin quruluşçu rejissoru Shinji Aoyamadır. Əsas rollarda Hajime Inoue, Go Riju, Yuji Nakamura və Eihi Shiina çəkiliblər.