Rekviyem

Bir qadının qapısını gözlənilmədən gənc bir oğlan döyür. O, vaxtilə qadının əri ilə eyni həbsxana kamerasında yatdığını və onun məhbəsdə necə dünyasını dəyişdiyini danışır.

Eşitdikləri qadını keçmiş günlərə qayıtmağa vadar edir. Ərinə olan sevgisini xatırlayan qəhrəman sosialist Macarıstanında fərqli düşünən insanlara qarşı siyasi təzyiqlərin hökm sürdüyü dövrdə öz həyat yolunu tamamilə fərqli şəkildə dəyərləndirir.

1981-ci il istehsalı olan «Requiem» dram filminin rejissoru Zoltan Fabridir. Əsas rolları Terez Varhedi, Çaba Peteş, Yanoş Kovaç və Matyaş Ustiç canlandırıblar.