Kiteraya səyahət

1940-cı illərin sonundakı vətəndaş müharibəsi Yunanıstan tarixində dərin izlər qoyur və yüz minlərlə insan təqiblərdən qurtulmaq üçün doğma torpaqlarını tərk edir. Həmin insanlar SSRİ və digər sosialist ölkələrinə sığınaraq uzun illər sürgündə yaşamağa məcbur qalırlar.

«Taxidi sta Kythira» filmi mühacirətə gedənlərin taleyini və onların qarşılaşdığı çətinlikləri əks etdirir. Vətən həsrəti ilə yaşayan qəhrəmanlar itirilmiş keçmişi xatırlayır və dəyişən dünyanın reallıqları ilə üzləşirlər.

1984-cü ildə ekranlara çıxan bu dramın rejissoru Teo Angelopulosdur. Yunanıstan, Böyük Britaniya, İtaliya və AFR-in birgə istehsalı olan ekran əsərində Manos Katrakis, Culio Broci, Despoina Geroulanou və Ahilleas Abazis kimi aktyorlar çəkiliblər.