Böyük sevgi

Məşhur aktrisanın on altı yaşlı qızı Emiliya bütün vaxtını musiqiyə həsr edir və konservatoriyanın vokal şöbəsinə daxil olmağa hazırlaşır. Gecə klubunda keçmiş təbilçi və təcrübəli sürücü olan Matsey ilə qarşılaşması onun həyatını dəyişir. Qız bu gəncə dəlicəsinə vurulur və çox keçmədən onunla birgə yaşamaq naminə doğma evini tərk edir.

Zaman keçdikcə ilk gənclik sevgisi dözülməz və amansız bir bağlılığa çevrilir. İki gəncin münasibəti tədricən həyatları üçün təhlükə törədən qorxulu və dağıdıcı ehtiras halını alır.

Polşa istehsalı olan «Big Love» dram filmi 2012-ci ildə rejissor Barbara Byalovas tərəfindən çəkilib. Ekran əsərində baş rolları Aleksandra Xamkalo, Antoni Pavlitski, Robert Qonera və Dobromir Dımetski canlandırıb.