Marionetlərin həyatından

Kənardan baxanlar üçün Peter və Mariannanın ailə həyatı tam bir rifah və uğur nümunəsi təsiri bağışlayır. Kişi iri biznes dairələrində ad qazanıb, qadın isə dəb aləmində tanınmış dizaynerdir. Lakin bu dəbdəbəli görüntünün arxasında tərəflərin bir-birinə bəslədiyi nifrət, acizlik, tükənməz qəzəb və ağır depressiya gizlənir.

Gərginliyin artması nəticəsində çıxılmaz vəziyyətə düşən Peter psixoloji sarsıntı həddinə çatır. Ətrafdan heç bir dayaq görməyən ailə başçısı, daxilindəki böhranı cilovlaya bilməyərək ən kəskin addımı atmaq qərarına gəlir.

«Aus dem Leben der Marionetten» filmini tanınmış rejissor İnqmar Berqman çəkib. Avstriya və AFR istehsalı olan bu 1980-ci il dramında əsas rolları Martin Benrat, Valter Şmidinqer, Haynts Bennent və Toni Berqer canlandırıb.