Sürü

Cütlük Ceymi və Aleks aralarındakı münasibətləri qaydaya salmaq məqsədilə çayda qayıq səyahətinə çıxırlar. Şəxsi çətinliklərinə qapılan qəhrəmanlar naməlum virus haqqında yayılan xəbərlərə fikir vermirlər. Mübahisələrin birində Aleks ayağını sındırır və Ceymi kömək axtararkən xəstəliyin insanları qəddar varlıqlara çevirdiyini görür.

Xilas yolu axtaran cütlük Ceyminin illər əvvəl tərk etdiyi doğma şəhərciyinə pənah aparır. Lakin qorxunc xəstəlik ora da çatır, yoluxmuş birinin Aleksə xəsarət yetirməsi isə ailənin vəziyyətini daha da çətinləşdirir.

2023-cü ildə ABŞ-da istehsal olunmuş «Sürü» («Herd») filminin rejissoru Stiven Pirsdir. Dəhşət və dram janrındakı ekran əsərində baş rolları Ellen Edeyr, Ceremi Loson, Korbin Bernsen və Ceremi Holm canlandırıblar.