Qaranlıq parazit

Zərgərlik mağazasını uğurla qarət edən cinayətkar dəstə üzvləri hadisə yerindən uzaqlaşır. Qəniməti təhlükəsiz yerə aparmaq istəyən oğrular gizlənmək üçün kimsəsiz və tərk edilmiş bir ev seçirlər. Onlar burada təhlükədən uzaq olduqlarını düşünürlər.

Lakin köhnə binanın divarları arasında qorxunc bir sirr yatır. Məlum olur ki, həmin məkanda başqa bir planetdən gəlmiş təhlükəli və qəribə məxluq məskən salıb. Beləliklə, quldurlar heç gözləmədikləri yadplanetli varlıqla üz-üzə qalırlar.

İtaliya istehsalı olan «Dark Parasite» qorxu filmi 2023-cü ildə işıq üzü görüb. Ekran əsərinin quruluşçu rejissorları Lyuka Boni və Marko Ristoridir. Baş rolları Ayk Stiltstra, Maykl Siqal, Dezire Cordcetti və Marsello Kastilyoni canlandırıb.