Pulse 2: Afterlife

Elektrik şəbəkələri vasitəsilə hərəkət edən ruhların hücumundan sonra dünya kökündən dəyişib. Bu varlıqlar insanları bir-bir məhv edərək bəşəriyyəti yox olmaq təhlükəsi ilə üz-üzə qoyur. Çoxlu sayda şəhər tamamilə boşalıb, bütün elektron texnologiyalar və rabitə vasitələri isə sıradan çıxıb.

«Pulse 2: Afterlife» filmi məhz belə bir xaosun içində sağ qalmağa çalışan insanların taleyindən bəhs edir. Əvvəllər boşanmış olan ər-arvad dağılmış dünyada itkin düşmüş qızlarını axtarmağa məcbur qalır. Onlar addımbaşı gizlənən təhlükələrin arasından keçərək övladlarına çatmağa çalışırlar.

ABŞ istehsalı olan bu qorxu və elmi-fantastika filmi 2008-ci ildə nümayiş etdirilib. Ekran əsərinin rejissoru Coel Soyzondur. Əsas obrazları Kent Cud Bernard, Dodi Braun, Kip Kamminqs və Karli Skott Kollinz canlandırıblar.