Vilson

Orta yaşlı, tənha və qəribə xarakterli Vilson insanlarla yola getməkdə çətinlik çəkir, itləri isə hər kəsdən çox sevir. Ətrafındakılara qarşı həddindən artıq açıqsözlü olan bu adam keçmiş həyat yoldaşı ilə yenidən əlaqə qurur. Çox keçmədən o, heç vaxt görmədiyi bir yeniyetmə qızının olduğunu öyrənir.

Bu gözlənilməz xəbər Vilsona böyük sevinc bəxş edir. O, qızı ilə yaxınlaşmağın ailə qurmaq üçün son fürsət ola biləcəyini düşünür və özünəməxsus qəribə yollarla onunla münasibət qurmağa çalışır.

«Wilson» filmi 2017-ci ildə ABŞ-da rejissor Kreyq Conson tərəfindən çəkilib. Komediya və dram janrındakı ekran əsərində Enrü Houtri, Marqo Martindeyl, Loren Uidman və Cudi Qrir kimi aktyorlar rol alıb.