Sakit işıq

Hadisələr XIX əsrin sonlarında Şimali Meksikaya köçən qapalı mennonit icmasında cərəyan edir. Dini inancları başqa etiqad sahibləri ilə ailə qurmağı qadağan etdiyindən, bu insanlar öz mədəni təcridini və ənənələrini əsrlər boyu qoruyub saxlaya biliblər.

«Stellet Licht» filminin qəhrəmanı Yohan çoxuşaqlı ailə başçısı və dindar bir kişidir. Lakin onun kafedə çalışan Marianna adlı qadına aşiq olması daxili aləmini alt-üst edir. Nümunəvi həyat sürən Yohan qadağan olunmuş sevgi hissi ilə dini borc arasında çıxılmaz mənəvi mübarizəyə cəlb olunur.

Bu dramı meksikalı rejissor Karlos Reyqadas 2007-ci ildə lentə alıb. Meksika, Fransa, Niderland və Almaniya birgə istehsalı olan ekran əsərində əsas rolları Elizabet Fer, Cakobo Klassen, Mariya Pankrats və Miriam Teyvs canlandırıb.