Milçək ovu

Ali məktəbin beşinci semestrindən qovulan Vlodek rus dili mütəxəssisi ola bilmir və böyük bir kitab mağazasında adi satıcı kimi çalışmağa başlayır. İkiotaqlı mənzildə həyat yoldaşı, azyaşlı oğlu və qayınanasıgil ilə birlikdə yaşayan gənc ailə qayğılarından və evdəki səs-küydən bezir. Siqaret almaq bəhanəsi ilə evdən çıxan Vlodek əslində arvadının şikayətlərindən və qayınanasının deyinmələrindən uzaqlaşmaq istəyir.

Gözlənilmədən tələbə yataqxanasına düşən qəhrəman burada polyak filologiyası fakültəsində oxuyan İrena adlı gənc qızla tanış olur. Bu təsadüfi görüş tezliklə dərin bir məhəbbətə çevrilir. Lakin İrena Vlodeki olduğu kimi deyil, öz xəyalında yaratdığı gizli istedad sahibi kimi görməyə başlayır.

«Milçək ovu» (Polowanie na muchy) filmi 1969-cu ildə rejissor Anjey Vayda tərəfindən Polşada ekranlaşdırılıb. Melodram və komediya janrında olan filmin baş rollarında Ziqmunt Malanoviç, Malqojata Braunek, Eva Skajanka və Hanna Skarjanka çəkiliblər.