Döyüşçü

On dörd illik fasilədən sonra Tommi Konlon keçmişdə alkoqol asılılığından əziyyət çəkmiş atasının yanına qayıdır. Ailənin keçmişi ağır xatirələrlə dolu olsa da, Tommi mükafat fondu beş milyon dollar olan «Sparta» MMA turnirinə hazırlaşmaq üçün atasına müraciət edir və uşaqlıqdakı kimi onu məşq etdirməsini istəyir.

Eyni vaxtda onun qardaşı Brendan da çətin anlar yaşayır. Üç uşaq atası olan və məktəbdə fizika müəllimi işləyən Brendan borclar üzündən evini itirmək təhlükəsi ilə üzləşir. Pula ehtiyacı olduğu üçün yenidən qeyri-rəsmi döyüşlərə qatılan Brendan müəllimlikdən uzaqlaşdırılır və köhnə məşqçi dostunun köməyi ilə həmin böyük turnirə yazılır.

ABŞ istehsalı olan «Döyüşçü» idman dramını rejissor Qevin O'Konnor 2011-ci ildə çəkib. Ekran əsərində əsas rolları Coel Edqerton, Tom Hardi, Nik Nolti və Cennifer Morrison canlandırıb.