Süpürgəli kişilər

Körlinq ustası Kris Katter on il əvvəl nişanlısını nikah masasında, komandasını isə ən mühüm yarış olan «Qızıl süpürgə» turnirinin gedişatında tərk edib getmişdi. İllər sonra dünyasını dəyişən keçmiş məşqçi vəsiyyətində Krisdən köhnə heyəti yenidən bir araya gətirməyi və həmin kuboku qazanmağı xahiş edir.

Son arzunu yerinə yetirmək üçün Kris dostları ilə birlikdə yenidən məşqlərə qayıtmalı olur. Lakin qələbə yolunda o, vaxtilə dünya çempionu olmuş hippi atası ilə dil tapıb onu komandaya başçılıq etməyə razı salmalı, eləcə də keçmiş sevgilisi və onun bacısı ilə olan mürəkkəb münasibətlərini yoluna qoymalıdır.

2002-ci il istehsalı olan «Men with Brooms» filmi Kanadada çəkilib. İdman və komediya janrındakı ekran əsərinin rejissoru Pol Qrossdur, rollarda isə Hanna Qross, Sten Koulz, Bo Starr və Kenni MakKoy yer alıb.