Payback

Uoll-strit brokeri Maykın uğurlu karyerası və xoşbəxt ailəsi var idi; o, həyat yoldaşı ilə birlikdə qızlarının dünyaya gəlməsini gözləyirdi. Lakin rəhbərliyin tapşırığı ilə Los-Ancelesə etdiyi qısa ezamiyyət qanlı atışma ilə nəticələnir. Tələyə salınan Mayk heç bir günahı olmadan uzunmüddətli həbs cəzasına məhkum edilir.

O, dəmir barmaqlıqlar arxasında illər keçirərkən ailəsi başsız qalır, qızı isə atasız böyüyür. Əsl günahkarlar isə azadlıqda rahat yaşamağa davam edirlər. Həbsdən çıxan Mayk ona xəyanət edənlərdən qisas almağa qərar verir, lakin bu intiqam planı onun sevdiklərini və yeni həyatını təhlükəyə atır.

ABŞ istehsalı olan «Payback» filmi dram və triller janrında 2021-ci ildə çəkilib. Ekran əsərinin rejissoru Cozef Menşdir. Əsas rollarda Kevin Mambo, Maykl Elian, Mark Alan Ostin və Lou Lentino-Rodriguez çıxış edirlər.