Çekist

«Çekist» filmi vətəndaş müharibəsi və «qırmızı terror» dövrünün amansız hadisələrindən bəhs edir. Həmin illərdə insan həyatı heç bir dəyər daşımır, kütləvi cəza mexanizmi isə dayanmadan fəaliyyət göstərir.

Ekran əsərində heç bir məhkəmə və istintaq olmadan minlərlə insanın həyatına son qoyulması təsvir edilir. Fövqəladə komissiyanın əməkdaşları üçün hər gün verilən ölüm hökmləri adi iş rejiminə çevrilir.

1992-ci il istehsalı olan bu dram filminin rejissoru Aleksandr Roqojkindir. Rusiya və Fransa kinoşirkətlərinin birgə çəkdiyi layihədə baş rolları Nina Usatova, Yuliya Cerbinova, Aleksandr Medvedev və Tatyana Barkova canlandırıb.