Rouzvud İnstitutu

Hadisələr XIX əsrdə Baltimor şəhərində cərəyan edir. Valideynlərini vaxtsız itirən İzabel Porter kədər içində təsəlli axtarır. Ağır düşüncələrdən uzaqlaşmaq və dincəlmək istəyən gənc qız getdikcə məşhurlaşan Rouzvud institutuna getməyə qərar verir.

İlk baxışda bura gənc xanımlara psixoloji yardım göstərən sakit bir məkan təsiri bağışlayır. Lakin İzabel tezliklə anlayır ki, bu divarlar arxasında tamamilə başqa niyyətlər gizlənir. Məlum olur ki, xəstəxana heyəti pasiyentlərin üzərində şəxsiyyəti dəyişdirmək və zehni idarə etmək məqsədilə amansız, qondarma təcrübələr aparır.

«The Institute» filmi 2016-cı ildə ABŞ-da lentə alınıb. Triller və qorxu elementlərini birləşdirən layihənin rejissorluğunu Ceyms Franko və Pamela Romanovski edib. Əsas rolları Tim Bleyk Nelson, Ben Yusef, Laura Barnett və Bella Poupe canlandırıb.