Qaranlıq anbar

Sten uşaq yaşlarında valideynlərini itirib və hazırda kobud babası ilə bir yerdə yaşayır. Qoca vaxtını ancaq içki içməklə və nəvəsini danlamaqla keçirir. Məktəbdə isə Sten və dostu Dommer daim yerli xuliqanların hücumlarına qarşı mübarizə aparmaq məcburiyyətində qalırlar.

Bir gün gənc oğlan həyətdəki alət anbarında qorxunc bir məxluqun gizləndiyini görür. Gecələr peyda olan bu yırtıcı canavarın varlığı onsuz da çətin vəziyyətdə yaşayan Stenin həyatını daha da çıxılmaz hala salır.

2019-cu ildə ABŞ-da istehsal olunmuş «The Shed» filminin rejissoru Frenk Sabatelladır. Dəhşət və dram janrındakı layihənin əsas rollarını Cey Cey Uorren, Fransisko Burqos, Timoti Bottoms və Sol Rendino canlandırıblar.